ဂျပန်ထုံးစံအရိုအသေပေးခြင်းတွင် ဦးခေါင်းကိုအောက်သို့ငိုက်စောင်းသည့် ပမာဏအနေအထားကို
မူတည်ပြီး အမျိုးအစားကွဲပြားပါသည်။
နှုတ်ဆက်ခြင်း၏ မူလအစဆိုသည်မှာ တစ်ဖက်သားအတွက် မိမိကိုယ်ကိုမည်ကဲ့သို့ နှိပ်ချပါသည်ကို မိမိကိုယ်ခန္ဒာဖြင့်ဖော်ပြလုပ်ဆောင်မှုအရာဖြစ်လေသည်။ ထို့အတွက်ကြောင့် မိမိ၏ဧည့်သည်တော်ကို
လည်းကောင်း၊ မိမိ၏အလုပ်ရှင်သူဌေးကိုလည်းကောင်း၊ မိမိ၏စီနီယာကိုလည်းကောင်း ရိုသေသမှုဖြင့်
မိမိကိုယ်ကိုနှိပ်ချဖော်ပြရာတွင်အမျိုးအစားများ ကွဲပြားသွားလေသည်။ အဆိုပါကွဲပြားမှုများကို အရိုအသေ
ပေးမှုဆိုင်ရာ ဦးညွတ်မှုဒီဂရီပမာဏဖြင့် ဖော်ပြကြလေသည်။
အရိုအသေပေးနည်းများ
(၁) ၁၅ ဒီဂရီအောက်သို့ငုံ့၍ အရိုအသေပေးနည်း (会釈)
(၂) ၃၀ ဒီဂရီအောက်သို့ငုံ့၍ အရိုအသေပေးနည်း (敬礼)
(၃) ၄၅ ဒီဂရီအောက်သို့ငုံ့၍ အရိုအသေပေးနည်း (最敬礼)
(၄) ၉၀ ဒီဂရီအောက်သို့ငုံ့၍ အရိုအသေပေးနည်း (最高峰のお辞儀)
--------------------------------------------------------------------------------------------------------------
(၁) ၁၅ ဒီဂရီအောက်သို့ငုံ့၍ အရိုအသေပေးနည်း
- ခန္ဒာကိုယ်အပေါ်ပိုင်းကို ခါးနေရာမှ ၁၅ ဒီဂရီခန့်ရှေ့ဘက်သို့ကွေးညွတ်ထားပါ။
- မျက်လုံးသည် မိမိအရှေ့ ၃မီတာခန့်အကွာကိုကြည့်ပါ။
- နေ့နေ့ညညနှုတ်ဆက်ခြင်းများ၊ လမ်းသွားလာရင်းအသိမိတ်ဆွေများကိုအရိုအသေပေးခြင်း၊ မိမိဧည့်သည်တော်များကိုကြိုဆိုခြင်းများတို့တွင် ပြုလုပ်ပုံဖြစ်သည်။
သာမာန်နှုတ်ဆက်ခြင်းမျိုးဖြစ်သည်။
မိတ်ဆွေသူငယ်ချင်းများ၊ လုပ်ဖော်ကိုင်ဖက်များ၊ သက်တူရွယ်တူများကို ပုံမှန်နှုတ်ဆက်ရာတွင် ပြုလုပ်လေ့
ရှိသည်။ ပေါ့ပါးစွာ ခေါင်းကိုငြိမ့်လိုက်သောအနေအထားဖြစ်လေသည်။
------------------------------------------------------------------------------------------------------------
(၂) ၃၀ ဒီဂရီအောက်သို့ငုံ့၍ အရိုအသေပေးနည်း
- ခန္ဒာကိုယ်အပေါ်ပိုင်းကို ခါးနေရာမှ ၃၀ ဒီဂရီခန့်ရှေ့ဘက်သို့ကွေးညွတ်ထားပါ။
- မျက်လုံးသည် မိမိအရှေ့ ၂ မီတာခန့်အကွာကိုကြည့်ပါ။
- မိမိဧည့်သည်တော်ကို ကြိုဆိုရာတွင်အရိုအသေပေးခြင်းပုံစံဖြစ်သည်။
၃၀ ဒီဂရီခါးညွတ်အရိုအသေပြုမှုပုံစံသည် ၁၅ ဒီဂရီအရိုအသေပေးခြင်းပုံစံထက် နည်းလမ်းကျသောပုံစံ
ဖြစ်လေသည်။ ဧည့်သည်တော်များကို ခရီးဦးကြိုဆိုခြင်းများ၊ ဂုဏ်ကြီးမြတ်သောပုဂ္ဂိုလ်များ၊ လုပ်ငန်းရှင်
သူဌေးကြီးများ၊ အသက်အရွယ်ကြီးသောလူကြီးသူမများကို နှုတ်ဆက်ရာတွင်လည်းအသုံးပြုလေသည်။
ကျေးဇူးတင်သောအခါမျိုးတွင်လည်းကောင်း၊ တောင်းပန်စကားပြောဆိုသည့်အနေဖြင့်သော်လည်းကောင်း
ပြုလုပ်လေ့ရှိသည်။ ထို့အပြင်ဂျပန်စာသင်ကျောင်းများတွင်အတန်းချိန်အစနှင့်အဆုံးတွင် ကျောင်းသားများက
ဆရာကို အရိုအသေပေးနှုတ်ဆက်ရာတွင်လည်း အသုံးပြုသည်ဟုထင်ပါသည်။
အလုပ်အင်တာဗျူးများနှင့် ကြီးကျယ်မြင့်မြတ်သောလူမှုပတ်ဝန်းကျင်ဆိုင်ရာနေရာများတွင် အရိုအသေပြု
ကြရာတွင်လည်းအသုံးပြုသည်။ အင်တာဗျူး ဖြေဆိုရာတွင် ဦးညွတ်အရိုအသေပေးခြင်းပြုလုပ်ရန်အတွက်
အောက်ဖော်ပြပါအတိုင်း ၄ကြိမ်ပြုလုပ်နိုင်သည်။
- 1．အင်တာဗျုးခန်းမသို့ဝင်ရောက်စဉ်တွင်လည်းကောင်း
- 2．ထိုင်ခုံနေရာတွင် မထိုင်မီတွင်လည်းကောင်း
- 3．မေးခွန်းများဖြေဆို၍ပြီးသွားသော်အခါတွင်လည်းကောင်း
- 4．အင်တာဗျူးခန်းမမှ ထွက်ခွာသောအခါတွင်လည်းကောင်း
(၃) ၄၅ ဒီဂရီအောက်သို့ငုံ့၍ အရိုအသေပေးနည်း
- ခန္ဒာကိုယ်အပေါ်ပိုင်းကို ခါးနေရာမှ ၄၅ ဒီဂရီခန့်ရှေ့ဘက်သို့ကွေးညွတ်ထားပါ။
- မျက်လုံးသည် မိမိအရှေ့ ၁ မီတာခန့်အကွာကိုကြည့်ပါ။
- ကျေးဇူးတင်စကားပြောဆိုရာတွင်လည်းကောင်း
- တောင်းပန်စကားပြောဆိုရာတွင်လည်းကောင်း
- ဧည့်သည်တော်အပြန်ခရီးကို ပို့ဆောင်ရာတွင်လည်းကောင်းအရိုအသေပေးခြင်းဖြစ်သည်။
တောင်းပန်စကားပြောခြင်းပုံစံဖြစ်သည်။
မိမိကျေးဇူးရှင်ပုဂ္ဂိုလ်ကိုသော်လည်းကောင်း၊ ပြသနာတစ်စုံတစ်ရာဖြစ်ပွားသောအခါမျိုးတွင်လည်းကောင်း
ခွင့်လွှတ်မှုကိုရစေရန်အတွက် တောင်းပန်မှုပြုသောအခါမျိုးတွင် ပြုလုပ်ကြသည်ကများပါသည်။
--------------------------------------------------------------------------------------------------------------
(၄) ၉၀ ဒီဂရီအောက်သို့ငုံ့၍ အရိုအသေပေးနည်း
- ခန္ဒာကိုယ်အပေါ်ပိုင်းကို ခါးနေရာမှ ၉၀ ဒီဂရီခန့်ရှေ့ဘက်သို့ကွေးညွတ်ထားပါ။
- မျက်လုံးသည် မိမိခြေဖျားရှေ့ ၂ ပေခန့်အကွာကိုကြည့်ပါ။
- ဂျပန်မင်းဧကရာဇ်တို့၏ နန်းတွင်းသုံးအရိုအသေပေးခြင်းပုံစံဖြစ်သည်။
နန်းတွင်းသုံးအရိုအသေပေးခြင်းဓလေ့ဖြစ်သည်။
ဤအရိုအသေပေးခြင်းပုံစံသည် ဂျပန်၏တော်ဝင်နန်းတွင်းဓလေ့နှင့်ပတ်သက်သော အသုံးပြုသည့်
သာမာန်ထက်ထူးကဲကြီးမြတ်သော၊ လေးနက်သောအဓိပါယ်ဖြင့် ဦးခေါင်းကိုနှိပ်ချ အရိုအသေပေးခြင်း
ဖြစ်လေသည်။ ကြီးမားသော မှားယွင်းမှု၊ ရှုံးနိမ့်မှုဖြင့် အပြစ်သင့်နေပါက ထိုအပြစ်ကိုပြေလျော့စေရန် ဝန်ချတောင်းပန်သည့်အခါမျိုးတွင်လည်း ပြုလုပ်လေ့ရှိပါသည်။
------------------------------------------------------------------------------------------------------------
အရိုအသေပေးခြင်းတွင် သတိပြုရမည့်အချက်များ
- ဦးခေါင်းပိုင်းသာလျှင်ကွေးညွတ်ခြင်းမပြုရ၊ ခါးနေရာမှကွေးညွတ်ရပါမည်။
- ဦးခေါင်းညွတ်ခြင်းနှင့်အတူ ကိုယ်ခန္ဒာလှုပ်ရှားမှုတို့ကိုဖြေးညင်းစွာပြုမူလှုပ်ရှားရမည်။
- အရိုအသေပေးမှု အစနှင့်အဆုံးတို့တွင် တစ်ဖက်သား၏ မျက်လုံးကိုကြည့်ရမည်။
- ယောင်္ကျားလေးများသည်လက်နှစ်ဖက်ကို ဘောင်းဘီဘေးချုပ်ရိုးကြောင်းပေါ်တွင်ထားရမည်။
- မိန်းကလေးများသည် လက်နှစ်ဖက်ကို ကိုယ်ခန္ဒာအရှေ့ဘက်တွင်ပေါင်းဆုံထားရမည်။
အသေးစိပ်ထပ်မံဖတ်ရှုလိုပါက
ဂျပန်ရိုးရာအရိုအသေပေးခြင်း(၁)
ဂျပန်ရိုးရာအရိုအသေပေးခြင်း(၂) တွင်ဖတ်ရှုနိုင်ပါသည်။
စာဖတ်သူများအားလုံးကို အထူးကျေးဇူးတင်ပါသည်။
ရေးသားသူ - ဆက်ပိုင်
၂၀၁၄၊ ဒီဇင်ဘာ
0 comments:
Post a Comment
အချင်းချင်းအားပေး၍ လက်တွဲဆောင်ရွက်ပြီးအောင်မြင်မှုရအောင်ကြိုးစားကြပါစို့။
(ပိုမိုကောင်းမွန်အောင်ဆောင်ရွက်လိုပါသဖြင့် Comment ရေးသားပြီး ပူးပေါင်းကူညီပေးပါ။)
သင့်နှင့်တကွ အားလုံးအတွက် ကျွန်ုပ်ဘလော့ရေးနေခြင်းဖြစ်သည်။
သင့်ဆန္ဒကို Comment ရေးပြီးဖော်ပြနိုင်ပါသည်။
တိုက်ရိုက်ဆက်သွယ်လိုပါက Email ပို့ပေးပါ။ (setpaing@gmail.com)