တိုကျို ဒစ္စနေးလန်း (Tokyo Disneyland)

တိုကျို ဒစ္စနေးဥယျာဉ် (Tokyo Disneyland -  東京ディズニーランド)
တိုကျို ဒစ္စနေးဥယျာဉ်ကြီးကို မြေဧက ၁၁၅ ဧကအကျယ်အဝန်းပေါ်တွင်တည်ဆောက်ထားပါသည်။
ထိုဥယျာဉ်ကြီးတည်နေရာမှာ တိုကျို မြို့အနီး ချိဘခရိုင်၊ အုလယစု ရှိ တိုကျို ဒစ္စနေးရီဇော့တွင်ဖြစ်ပါသည်။
မအိဟမ ဘူတာ၊ တိုကျို ဒစ္စနေးလန်းဘူတာတို့နှင့် တဆက်တည်းချိတ်ဆက်ထားသည်။

၁၉၈၃ခုနှစ် ဧပြီလ ၁၅ ရက်နေ့တွင်စတင်ဖွင့်လှစ်ခဲ့ပြီး အမေရိကန်နိုင်ငံပြင်ပတွင်ဖွင့်လှစ်ခဲ့သော ပထမဆုံး
ဒစ္စနေးဥယျာဉ်ဖြစ်သည်။ တိုကျို ဒစ္စနေးဥယျာဉ်ကို အမေရိကန်နိုင်ငံ ကာလီဖိုးနီးယားနှင့် ဖလော်ရီဒါရှိ
မျက်လှည့်တိုင်းပြည်တို့နှင့် ပုံစံတူတည်ဆောက်ထားခြင်းဖြစ်သည်။ အိုရီယန်တယ်လန်း ကုမဏီမှပိုင်ဆိုင်
ထားပြီး ကမ္ဘာကျော် ဝေါ့ဒစ္စနေးကုမဏီနှင့် စာချုပ်ချုပ်ဆိုထားလေသည်။

သမိုင်းကြောင်း
၁၉၇၉ခုနှစ် ဧပြီလတွင် ဂျပန်နိုင်ငံတိုကျို မြို့တွင် ကမ္ဘာကျော် ဒစ္စနေးဥယျာဉ်တည်ဆောက်ရေးစီမံကိန်းကို
အောင်မြင်စွာလက်မှတ်ရေးထိုးခဲ့ပါတယ်။ ဂျပန်နိုင်ငံမှ အင်ဂျင်နီယာများနှင့် ဗိသုကာပညာရှင်များအဖွဲ့သည် စိတ်ကူးထဲမှတိုကျိုစီမံကိန်းကိုအကောင်အထည်ဖော်ရန်အတွက် အမေရိကန်နိုင်ငံကာလီဖိုးနီးယားပြည်နယ် သို့ လေ့လာရေးထွက်ခဲ့ကြပါသည်။ တစ်နှစ်ခန့်ကြာပြီးနောက် ဒစ္စနေးဥယျာဉ်တည်ဆောက်ရေးလုပ်ငန်းကို
စတင်ခဲ့ပြီး ရာပေါင်းများစွာသော မီဒီယာသမားများ၊ သတင်းစာဆရာများတို့ကလည်း အနာဂါတ်တွင်
အောင်မြင်လာမည့် ဒစ္စနေးဥယျာဉ်ကြီးကို စိတ်အားထက်သန်စွာအထူးစိတ်ဝင်စားခဲ့လေသည်။

ဆာက်လုပ်ရေးလုပ်ငန်းများအောင်မြင်စွာပြီးစီးလာခဲ့ပြီး၊ တိုကျို ဒစ္စနေးဥယျာဉ်ကြီး၏ နောက်ဆုံးကုန်ကျမှု
တန်ဖိုးမှာ မူလကခန့်မှန်းခဲ့သောတန်ဖိုးထက် နှစ်ဆခန့်ကုန်ကျခဲ့သည်။ မူလက ဂျပန်ယန်းငွေ ၁၀၀ဘီလီယံ
ခန့်ကုန်ကျမည်ဟု ခန့်မှန်းသော်လည်း ယန်းငွေ ၁၈၀ ဘီလီယံကုန်ကျခဲ့လေသည်။

အဓိကအပိုင်းကြီး ၇ ပိုင်း
တိုကျို ဒစ္စနေးဥယျာဉ်တွင် အဓိကအပိုင်းကြီး ၇ ပိုင်းဖြင့်ဖွဲ့စည်းထားပါသည်။
1- The World Bazaar
2- Advertureland (Four Classic Disney Lands )
3- Westernland
4- Fantasyland
5- Tomorrowland
6- Critter Country (Two Mini-Lands)
7- Mickey's Toontown
FantasyLand တွင် Peter Pan's Flight, Snow White's Scary Adventures, Dumbo The Flying 
Elephant နှင့် ဒစ္စနေးကုမဏီ၏ ရုပ်ရှင်နှင့် ဇာတ်ကောင်များကိုအခြေခံထားလေသည်။ 
....................................................................................................................................
1- ကမ္ဘာဈေးရုံကြီး (The World Bazaar)

World Bazaar သည် Tokyo Disneyland ၏အဓိကလျှောက်လမ်းမကြီးဖြစ်ပြီး ဈေးရောင်းဝယ်ရေးနေရာ
ဖြစ်လေသည်။ ၂၀ရာစုအစောပိုင်း အမေရိကန်နိုင်ငံကြီး၏ အဓိကပင်မလမ်းမကြီးကိုသရုပ်ဖော်ပြသခြင်း
ဖြစ်လေသည်။ World Bazaar လမ်းမကြီးမှတည့်တည့်သွားလျှင် Cinderella Castle ခေါ် စင်ဒရဲလား
ရဲတိုက်ကြီးဆီသို့ဖြစ်ပြီး၊ ညာဘက်သို့ကွေ့ပါက Tomorrow Land သို့ဖြစ်ကာ၊ ဘယ်ဘက်သို့ကွေ့ပါက
Adventure Land ဆီသို့ရောက်ရှိပါမည်။ World Bazaar လမ်းမကြီးတွင် သံစုံတေးဂီတဝိုင်းများ၏
လမ်းလျှောက်ဖြေဖျော်မှုများကိုလည်းတွေ့မြင်နိုင်ပါသည်။
....................................................................................................................................
2- စွန့်စားခန်းများရှိရာမြေ (Advertureland)

စွန့်စားခန်းများရှိရာမြေအပိုင်းတွင် အဓိကအပိုင်း ၂ပိုင်းပါဝင်သည်။ 
နယူးအော်လန်းစွန့်စားမှုအပိုင်းနှင့် တောတွင်းစွန့်စားမှုအပိုင်းတို့ဖြစ်ပါသည်။
အမေရိကန်နိုင်ငံရှိ ဒစ္စနေးဥယျာဉ်တွင်လည်း တွေ့ရမည်အပိုင်းများဖြစ်သည်။
ဤအပိုင်းတွင်အဓိကစွဲဆောင်မှုရှိသောအပိုင်းများမှာ- 
- ပင်လယ်ဓါးပြ (Pirates of the Caribbean)
- တောတွင်းခရီး (Jungle Cruise)
- ကြည်နူးဖွယ် တိခိအခန်း(Enchanted Tiki Room)
- ကျဉ်းမြောင်းသောနေရာငယ် (Narrow Gauge)
- အနောက်ဘက်မြစ်ရထားလမ်း (Western River Railroad)
.....................................................................................................................................
3- အနောက်ဘက်တိုင်းပြည် (Westernland)

အနောက်ဘက်တိုင်းပြည်အပိုင်းသည်အမေရိကန်ရှေးဟောင်းအနောက်ဘက်ဒေသကိုဖော်ပြခြင်းဖြစ်သည်။
မှော်တိုင်းပြည်ဥယျာဉ်ပုံစံတစ်ဘက်ရှိ နယ်ခြားအပိုင်းနှင့်ဆင်တူသည်။ ထိုအပိုင်းတွင် မြစ်ကြီးအမေရိကန်
သည် ကြီးစိုးလျက်ရှိနေပါသည်။ ထိုမြစ်ကြောင်းတစ်လျောက်တွင် မောင်းနှင်ပေးသော သင်္ဘောကြီးကိုစီးပြီး
မြစ်ကြောင်းခရီးစဉ်ကိုခံစားနိုင်ပါသည်။
ဤအပိုင်း၏စွဲဆောင်မှုများမှာ-
- အနောက်ဘက်တိုင်းပြည် သေနတ်ပစ်လေ့ကျင့်ရေးကွင်း (Western Shooting Gallery)
- ဝက်ဝံတိုင်းပြည် ပြဇာတ်ရုံ (Country Bear Theater)
- မြစ်တွင်းစီးသင်္ဘောကြီးစီးခြင်း (Mark Twain Riverboat)
- Big Thunder တောင်တွင်ရထားစီးခြင်း (Big Thunder Mountain)
- Tom Sawyer ကျွန်းမှ ဖောင်စီးခြင်း (Tom Sawyer Island Rafts)
.......................................................................................................................................
4- ပျော်စရာတိုင်းပြည် (Fantasyland)

ဤအပိုင်းသည် ပျော်ရွှင်များပြည့်နှက်နေသောအပိုင်းဖြစ်လေသည်။ ကလေးများအထူးကြိုက်နှစ်သက်သော
နေရာလည်းဖြစ်ပါသည်။ မီးရောင်စုံများ၊ အလှအပများ၊ ဒစ္စနေးဇာတ်လမ်းနှင့် ဇာတ်ကောင်တို့စုဝေးရာ
နေရာဟုလည်းခေါ်ဆိုနိုင်ပါသည်။ ဤအပိုင်းတွင်ပါဝင်သောစိတ်ဝင်စားဖွယ်များမှာ-
- ပီတာပန်တိုက်ပွဲ (Peter Pan's Fight)
- စနိုးဝှိုက်စွန့်စားခန်းများ (Snow White's Adventures)
- စင်ဒရဲလားပုံပြင်ခန်းမကျယ် (Cinderella's Fairy Tale Hall)
- မျက်လှည့်ဆန်းကြယ်မစ်ကီပီဟာ (Mickey's Philhar Magic)
- ပီနော့ကီယို ခရီးစဉ် (Pinocchio's Daring Journey)
- ဆင်ပျံလေး ဒန်ဘို (Dumbo the Flying Elephant)
- ကာရိုစေး ရဲတိုက်ကြီး (Castle Carrousel)
- သဲထိတ်ရင်ဖိုတိုက်အိမ်ကြီး (Haunted Mansion)
- ကမ္ဘာငယ်လေး (It's a Small World)
- အဲလစ်လ္ဘက်ရည်ပွဲ (Alice's Tea Party)
- ပုခ်ျရဲ့ပျားရည်အိမ် (Pooh Honey Hunt)
.....................................................................................................................................
5- အနာဂါတ်တိုင်းပြည် (Tomorrowland)

အနာဂါတ်တိုင်းပြည်သည် မြို့ပြနှင့်ပိုမိုသက်ဆိုင်သော အသွင်အပြင်နှင့် ပုံစံများ၊ အနာဂါတ်နည်းပညာနှင့်
ပတ်သက်သောအရာများကို ဖော်ကျူးပါသည်။ ကလေးများသာမက လူငယ်များပါအကြိုက်တွေ့နိုင်သော
နေရာဖြစ်ပါသည်။ သည်းထိတ်ရင်ဖိုစွန့်စားလိုသူတို့ကိုလည်း ကျေနပ်စေမည်ဖြစ်သည်။
ဤအပိုင်းတွင်ပါဝင်မှုများမှာ-
- အာကာသဂြိုလ်သားများ (Monster Ride and Go,Seek!)
- အာကာသခရီးစဉ် (Star Tours)
- အာကာသတောင်တန်းကြီး (Space Mountain)
- အလင်းနှစ်တိုက်ပွဲ (Buzz Lightyear's Astro Blasters)
- အာကာသလွန်းပျံယာဉ်ကြီး (Star Jets)
- အပျော်တမ်းကားစီးခြင်း (Grand Circuit Raceway)
...................................................................................................................................... 
 6- ခရစ်တာတိုင်းပြည် (Critter Country )

 

ခရစ်တာတိုင်းပြည်အပိုင်းကတော့ ပန်းခြံနေရာငယ်လေးဖြစ်ပါတယ်။ ဒီနေရာမှာတော့ စွဲဆောင်မှုတွေက
များများစားစားမရှိပါဘူး။ 
- ရေတံခွန်ပေါ်ကနေလှေကိုလျောစီးခြင်း (Splash Mountain)
- ဖျံ ညီနောင်တို့ရဲ့ကနူးလှေစီးခြင်း (Beaver Brothers Explorer Canoes)
.....................................................................................................................................
 7- မစ်ကီကာတွန်းမြို့တော် (Mickey's Toontown)

ဝေါ့ဒစ္စနေးကာတွန်းများထဲမှ ဇာတ်ကောင်များကို ပြင်ပတွေ့မြင်သကဲ့သို့ခံစားရစေသော နေရာဖြစ်ပါသည်။
အထူးသဖြင့် ကလေးငယ်များအတွက်အထူးစိတ်ဝင်စားစေသောနေရာဖြစ်ပါသည်။ မိမိတို့သဘောကျသော
ကာတွန်းဇာတ်ကောင်များကို ရင်းနှီးကျွမ်းဝင်စွာတွေ့ဆုံနိုင်သောအတွေ့အကြုံကိုခံစားရစေပါသည်။
ပါဝင်သည့်အပိုင်းများမှာ-
- ယုန်ကလေး ရော်ဂျာကာတွန်းခန်းမ (Rogar Rabbit's Car Toon Spin)
- မီနီအိမ်ကလေး (Minnie's House)
- ရှဉ့်ကလေး ချစ်ပ်နဲ့ဒေးတို့ရဲ့သစ်ပင်အိမ်ကလေး (Chip and Dale's Tree House)
- ကောင်းကင်ရဟတ်စီးခြင်း (Gadget's Go Coaster)
- ဒေါ်နယ်လ်ရဲ့လှေကလေး (Donald's Boat)
- ဆေးရောင်စုံ ဂူဖီအိမ်လေး (Goofy's Paint and Play House)
- ကလေးတို့အတွက်ပန်းခြံ (Toon Park)
- မစ်ကီတို့အိမ်လေးတွင် မစ်ကီနှင့်တွေ့ဆုံခြင်း (Mickey's House and Meet Mickey)
.....................................................................................................................................
တိုကျို ဒစ္စနေးတိုင်းပြည်အကြောင်းကိုထပ်မံဖော်ပြပေးလိုက်ပါသည်။

တည်နေရာ - Urayasu, Chiba, Japan
လုပ်ငန်းလုပ်ကိုင်နေသောကုမဏီ - The Oriental Land Company
စတင်ဖွင့်သည့်နေ့ - ၁၉၈၃ခုနှစ် ဧပြီလ ၁၅ ရက်
အကျယ်အဝန်း - ၁၁၅ ဧက
....................................................................................................................................
အခုလောက်ဆိုရင် တိုကျို ဒစ္စနေးတိုင်းပြည်ကိုမိတ်ဆက်ပေးတာကျေနပ်လောက်ပီလို့ထင်ပါတယ်။
ကိုယ်တိုင်ဂျပန်ရောက်မှ သွားကြည့်တော့နော်။ ဈေးတော့မပြောပြတော့ဘူးနော်။ နည်းနည်းများတယ်။
(ပျော်စရာတော့ကောင်းတယ်၊ ဒါပေမယ့် တန်းစီနေရတဲ့အချိန်တွေကပိုများတယ်။ တစ်ခုတစ်ခုကို နာရီဝက်
ကနေ ၄၅မိနစ်လောက်တန်းစီနေရတယ်။ တကယ်တမ်းစီးဖို့သွားတော့ ၅မိနစ်၊ ၁၀မိနစ်လောက်လေးဘဲ
ကြာတယ်။)

စေတနာများစွာဖြင့်အားလုံးကိုကျေးဇူးတင်လျှက်....
ပိုမိုသိရှိလိုပါက တိုကျို ဒစ္စနေးတိုင်းပြည် တွင်ဆက်လက်ဖတ်ရှုနိုင်ပါသည်။
တိုက်ရိုက်ဝက်ဆိုဒ်ဆိုရင်တော့ Tokyo DisneyLand တွင်ဖတ်ရှုပါ။

ရေးသားသူ - ဆက်ပိုင်
၂၀၁၄ ဒီဇင်ဘာ